Vawiin khan DC Conference Hall, Mamit-ah Pu Jacob Lalawmpuia, Addl. DC hovin United Nations Development Programme (UDPA) Team Gawahati- te  leh Mamit-a  Line Department hrang hrangte'n Mamit District chhunga hmasawnna hna thawhna kawnga thawhho dan tur sawiho

Meeting kaihruaitu Pu Jacob Lalawmpuia chuan UNDP Team- te leh Mamit-a Sawrkar hnathawkte thawhhona chuan District mipuite te tana hmasawnna chhenfakawm tak a thlen ngei a beisei thu a sawi.

Meeting-ah hian District hmasawnna tura UNDP te nena thawhtlan dan tur hrang hrang sawiho a ni.

UNDP Team te hian Mamit District chu Aspirational District a thlan a nih angin Corporate Social Responsibility (CSR) Fund hmanga chawikanna tur kawng hrang hrang haichhuahna dan tur sawiho a ni a, Hmasawnna kalpuina turah hian Niti Aayog in Health, Nutrition leh Education Sector te chu a ngaihpawimawh bik thu an sawi bawk. Mamit District chu CSR Fund hmanga chhawmdawl turin Public Sector Undertaking ( PSU) hrang hrang zingah Airport Authority of India (AAI) leh Hindustan Petroleum Corporation Ltd ( HPCL) te kutah hlan bik an nih thu leh heng CSR Fund te hman an nih theihdan tur Project ngaihtuah leh mipuite hmasawnpui tur bik hmanga hmalak theihdan tur kawng dapa zirchianna nei turin UNDP chuan Sawrkar Official leh Company te thawhpui an nih dawn thu an tarlang bawk a ni.

Meeting-ah hian UNDP lam atangin Pu John Borgoyary Regional Head, North East Region bakah mithiam dangte chuan tawiawmin Mamit District chhunga hmasawnna kaltlangna tur Line Department hrang hrangte an tel bawk a ni.