Vawiin chawhma dar 11:00Am khan D.C's Conference Hall-ah Krishi Vigyan Kendra (KVK), Siaha bultumin Pangang Vaimim tichhetu laka inven dan leh enkawl dan chipchiar takin Loneitute hnenah zirtirna hun hman a ni. He training programme hi Dr H. Vanlalhmuliana, Senior Scientist & Head, KVK, Siaha chuan a kaihruai a ni.

Pi S. Sisi, Scientist (Horticulture) leh Pi C. Rachael, Scientist ( Plant protection) ten Siaha District hmun hrang hrang a loneitute hnenah zirtirna chipchiar takin an pe a. He rannung in a Vaimim a eichhiat dan leh a enkawl dan video a thlir honate buatsaih niin, loneituten harsatna an tawh dante leh hma an lo lak ve dante sawiho nghal niin, an vaimim eichhetu  Pangang venna tur damdawi te sem nghal a ni. A enkawl dan turte leh a hman dantur kimchang taka zirtir an ni a. Siaha khawpui chhung leh khawpui pawn lam atanga training chhimtu loneitute chuan hlawkthlak an ti hle a ni.

Attachment

  • Loading attachment...