Vawiin khan Chief Minister Pu Zoramthanga chuan a chenna, Banglaah a bial chhunga zirlaite zinga mi; HSLC Result chhuak taa Top 10 a inhlangkaite lawmpuina hun  a buatsaih a. He hunah hian fuihna thu sawiin hlawhtlinna tura pawimawh ber chu tumruhna a ni a ti a. "Tumah ropui saa piang an awm lova. Mi narante hi an tum a ruh phawt chuan mi ropui an la ni nge nge thin", a ti.

Kumin Matric Result chhuak taah kha  Aizawl East -I bialchhung atangin Top 10-ah -Pakhatna Lalrinnungi, St Joseph HSS zirlai, Sihphir Neihbawi, Pangana K. Lalbiaksangi, Arells HS zirlai, Zemabawk leh 10-na Ramnghahsangi, St Joseph HSS zirlai, Zemabawk veng a mi te an awm a ni. Heng zirlai ti thazual te hnenah hian Chief Minister Pu Zoramthanga chuan chawimawina thuziak bakah lawmpuina thilpek, a sum faiin a pe bawk a ni.