3596/2023-2024

Mamit 31st January, 2024 : Vawiin khan DC Conference Hall, Mamit-ah District Level Committee on Fire Prevention ( DLCFP) chu an Chairman Pu V.L Remliana, District Bawrhsap hovin thutkhawm a ni.

Vawiin thutkhawmah hian Fire Prevention Week hawnna hman dan tur rel niin, Ni 5 February 2024 chawhma dar 11 ah Chhimveng YMA Hall- ah hman nise tih a ni a, khuallian a tan Chairman, DLCFP/District Bawrhsap chu ruat niin programme kimchang duan nghal a ni.

Fire Prevention Week, 2024 puala kangmei ven kawnga hmalakna tur hrang hrangte sawiho niin, kangmei laka kan him theih nan, ram ti kangtu hria leh hmu tan report pekna tur siam a ni dawn a, a report-tu hi hming thup sak an ni ang. Kangmei ven kawnga mipuite zirtirnan a tam thei ang ber tlangau hmanga puan bakah thuziak a tam thei ang ber tar nise, ramkang veng tha khua thlanchhuaha lawmman inpek leh nise tihte rel niin Village Level Fire Prevention Award dawng tur lo thlangtu turte ruat nghal an ni. Mamit District chhunga Office leh Zirna In ah te kangmei chhuah palh thula invenna tur Fire Extinguisher nei tura hmalak vek nise tihte rel a ni bawk.

Vawiin meeting hian Mamit District chhunga Lo/Leipui neite reng rengin meikawng tha taka sialin March ni 15 hmain hal vek tur a ni a, meilam tha takin an sial ngei a ni tih hriatna turin  thlalak Village Level Fire Prevention Committee hnenah hal hmain thehluh nise tihte rel a ni bawk.

Kumin 2024 Fire Prevention Week (5th - 9th February) thupui atan hian "Thapui thawhin kangmei chhuak tur i veng ang u" tih chu hman a ni ang.

Meeting-ah hian District Level Committee on Fire Prevention (DLCFP) members te an tel tha hle a ni.