715/2022-2023
Mamit 31st, May, 2022 : Vawiin khan DC Conference Hall, Mamit-ah District Level Committee On Green Mizoram chu an Chairman Pu Lalnunhlua, District Bawrhsap hovin Green Mizoram Day, Mamit-a hman dan tur rela thutkhawm a ni.

Vawiin meeting-ah hian Kumin 2022 Green Mizoram Day chu a ni tak, June ni 11 chu Sawrkar chawlh a nih vangin State ruahmanna zulzuiin Ni 10th June (Friday) Chawhma dar 10:30 -ah Mamit Chhimlam Mualpui pengah hawnna hun hman nise tih a ni a. Khuallian atan hian Mamit District Bawrhsap chu beisei a ni. Programme kimchang lo duang turin Nodal Department ruat an ni. Kumin Green Mizoram Day thupuiah hian "Thingphun la, Tuihna siam rawh" tih chu hman a ni ang.

Meeting hian Kumin 2022 Green Mizoram Day-a thingphun enkawl zui thate hnenah lawmman siam nise tih a ni a, thingtiak phunna hmun tur leh a hungna tur mau tahsa lo ruahman turin Nodal Department te ruat an ni bawk. Mamit District chhunga kangmei vengtha khua thlanchhuahte he hunah hian lawmman pek nise tih a ni.

Pi Jenny Sailo, DFO/Member Secretary-in report a pek danin Mamit District chhungah Green Mizoram Day pual hian thingtiak 109977 phun a ni tawh thu a tarlang.

Meeting-ah hian Mamit District Level Committee on Green Mizoram Members te an tel a ni.

Attachment

  • Loading attachment...