2843/2026-2027

Dated: Mamit the 27th of October, 2026:  Vawiin khan DC Conference Hall, Mamit-ah District Level Committee on Narco Coordination Centre chu Pu Suvigya S Chandra, Chairman leh District Bawrhsap kaihhruainain an thukhawm.

District Bawrhsap chuan Mamit District chu ramri depa awm kan nih avangin ruihhlo leh a kaihnawih dona kawngah hma nasa taka kan lak a tul zuala, ruihhlo laka la fihlim naupang zawkte hnenah zirtirna pawh uar lehzuala kalpui a tul thu a sawi.

Vawiin thutkhawmah ruihhlo tawlhruk venna tihchak, dan kengkawhtu pawl hrang hrangte thawhhona tihthat bakah ruihhlo hman sual leh dona kawnga mipuite a zau thei ang bera zirtirna pek kawnga hmasawnna turte sawiho a ni a.District Level Action Plan a telh tur rawtna siam     hrang hrang -ruihhlo tawlh ruk dan chungchang intelligence / information inhrilhtawn, ruihhlo leh a kaihhnawih dang dona kawnga stakeholder ten hma an lak tawh dan, State paltlang thubuai (cross-state implication) chhui zui mek te vil zui, ruihhlo hman sual do na kawnga inzirtirna, a bik takin School leh College-a neih, District chhunga ruihhlo ngai tawh enkawlna leh enkawlna hmun (drug de-addiction & rehabilitation centre) te vil zui chungchangte sawi niin, Line Department l-SP Office, Mamit leh Excise & Narcotics Department te'n an hmalaknate an tarlang bawk.

Thutkhawmah hian Pi C. Lalbiaksiami, Addl. SP, Mamit, R. Lalrinmawia, Deputy Commandant, 4th IR,  191th Bn BSP te bakah MUP aiawh an tel a ni.