2842/2026-2027

Aizawl the 27th October, 2026: Vawiin chawhnu khan College of Nursing, RIPANS chuan, 26th Lamp Lighting and Oath Taking Ceremony, RIPANS Auditorium Zemabawkah an hmang a. Pu Lalthansanga, Cabinet Minister, EF&CC, Sericulture.etc, Dept changtu, Zemabawk Bialtu nibawk chuan khuallian niin he hun hi a hmanpui.

Pi Lalhmingmawii Principal, Apollo School of Nursing chuan, ‘Florence Nightingale Pledge” Bati Chhi a Nurse thutiam lak tir chu a kaihhruai thung. Thutiam latute hi B.Sc Nursing zirlai 55 an ni a, heng zirlai 55 te hi North East India States 7 leh Sikkim bakah Prime Minister Special Quota hnuaiah Jammu& Kashmir atanga lo zir te an awm bawk ani.

Dr Sanjay D Sawant, Director RIPANS chuan he hun hmang te lo lawmna ‘Welcome Speech’ a sawi a. Principal Prof. Lalfamkim’in College of Nursing Report tawi pe in, hemi programe ah vek hian College of Nursing, RIPANS te chuan a vawikhat nan ‘Best Preceptor Award’ hlanna an nei a, Best Preceptor Award hi RIPANS a Nursing zirlai te an clinical duty na thin Hospital pali, heng Civil Hospital, Kulikawn Hospital, Mizoram State Cancer Institute leh Zoram Medical College & Hospital, Falkawn te atangin pakhat theuh zirlaiten an duty na a ‘Nurse’ kaihruai na leh zirtirna lo pe tha ber tu a an ngaih chu naupang ten an thlang chhuak a ni. Best Preceptor atan a zirlai te thlan mi pali hnenah Chief Guest in chawimawina hi a hlan a ni.

RIPANS College of Nursing hi Mizoram a Nursing College hmasa ber  niin kum 1996 ah din tan a ni a. Tun dinhmunah BSc.Nursing batch 27 atanga graduates 879 awm tawhin, M.Sc Nursing batch 3 atangin mi 65 in an zir chhuak tawh bawk a, India ram leh ram pawn hmun hrang hrangah an thawk mek a ni. Nakum session atangin Ph.D in Nursing hawn tum a hmalak mek a ni bawk. Institution leh Hospital hmun hrang hrang atanga sawmbik te leh thutiam latu zirlai nu leh pa ten he hun hi an hmanpui. Dr C Lalramdini Vice Principal chuan Lawmthu sawina nen programme a tlip thung.