2441/2026-2027

Dated : Mamit the 30th of September, 2026: Vawiin khan District Level Implementing Committee on Mission Shakti, Mamit District chu Pu Suvigya S. Chandra, IAS, Deputy Commissioner, Chairman (DLIC) kaihhruainain DC Conference Hall-ah ṭhutkhawm a ni a. 2026-2027 (FY) 3rd Quarter chhunga hmalakna tur leh budget thirhona an nei a ni.

Pu Suvigya S. Chandra chuan kalkhawmte lawmna thu sawiin, Mission Shakti hnuaia hmalakna kawngah Line Department te theihtawpchhuah turin a fuih.

Pu Lalruatmawia Ralte, District Programme Officer, WCD Mamit chuan report pein Mission Shakti hnuaia scheme leh hnathawh hrang hrang tarlanna a nei a, 3rd Quarter chhunga hmalakna tur leh budget-te sawifiahna a nei a ni. Mission Shakti hnuaiah hian Scheme engemaw zah kalpui mek a ni a, a langsar zualte a tarlang a.

1. One Stop Centre: Hmeichhia, nu leh a fate hleilenna tuarte lo enkawla lo tuam dama, an mamawhna zawna ṭanpuina lo pe tura din a ni.

2. Universal Women Help Line: WHL hi tu tan pawh kum bithliah awm lovin hmeichhia harsatna leh hleilenna tuarte tan a thlawna biak pawh theih a ni. 181 ah (Toll Free) Mizoram khawi hmun aṭang pawha biak theih a ni.

3. Nari Adalat (Women's Court): Village Level-a Hmeichhiate tana thubuai remna a ni.

4. Shakti Sadan: Hmeichhe baihvai harsatna tawk, tlukluhna leh belh tur mumal nei lote, hleilenna tuar endawng tuithlar pan tur neilo te tana tlukluhna tur a ni.

5. Sakhi Niwas (Working Women Hostel): Hmeichhia khualkhuaa hnathawk/lehkha zir a awmten senso tlem zawka an awm theihna tur, him leh thianghlim tak an neih theih nana duan a ni a, nu ten an fate an awmpui thei bawk.

6. Palna: Naupang nu leh pa te hnathawh san in lama enkawltu neilo te lo enkawlna hmun a ni.

7. PMMMVY: Naupai/Naupawm tana hamṭhatna, pawisa dawn theihna a ni a, fa pakhatna nei ten Rs 5000 an dawng thei a, fa pahnihnaa fanu nei ten Rs 6000 a dawn theihna a ni.

Vawiin ṭhutkhawmah hian  District Level Implementing Committee on Mission Shakti' Member-leh Line Department hrang hrang aiawh leh NGO an tel a ni.