Vawiin khan DRDA Conference Hall, Mamit-ah District Vigilance & Monitoring Committee an Chairman Lok Sabha MP Pu C.L Ruala hova neih a ni.

Meeting-ah Chairman Pu C.L Ruala chuan “Department hrang hranga thawktute chu sawrkar kut leh ke in ni a, sawrkarin hmachhawp a neih hrang hrangte a hlawhtlinna in nih avangin taima tak leh in pe takin thawk ula”, hmasawnna in mitinte a thlen a, rualkhai taka ke kan pen theih nana thawktute kan ni tih in hrereng turin Committee members te chah a ni.

Meeting-ah hian Pu K. Lalhmingliana Project Director chuan DRDA report pe-in ,kum kallai mekah MGNREGS hnuaiah Rs 482.81 lakhs dawn a ni a, hemi hmang hian chhungkaw 20158 te hnenah ni thum inhlawhna pek a nih tawh a. Ni 6 inhlawhna pekbelh leh tum a ni a, kumdang ang lo takin fund kal a muan avangin kumin ah ni 100 inhlawhna hi pek theih a beiseiawm loh thu a sawi a. IAY-hnuaiah 2014-2015 chhungin In 98 sa tura target neih niin. tunah hian In 49 sak tawh a ni. In dang 49 sak leh tum mek a ni. IWMP hnuaia Project panga awmah Entry Point Activity atan Marketshed, Workers Rest Shed, Bridge etc te khaw engemawzatah siam a ni tawh bawk. Tin Work Component atan thlai chi tha hmun tamtakah chah sak an ni bawk.

Central Scheme hrang hrang TSC/NRWDP/NBA ,PMGSY ,RGGVY ,NRHM atangin report ngaihthlak a ni a. CDPO atangin tar pension an sem dan leh sem tum mek dan report ngaihthlak a ni bawk. Meeting hian hna a chak zawk theihnan Central Sawrkar leh State Sawrkar atanga sum hmuh turte tun aia hmuh awlsam dan awm thei se an duh thu sawi lan a ni.

Meeting-ah hian hian Mamit District chhung MLA pahnih Pu Lalrinmawia Ralte, Hachhek Constituency ,Pu V. L Robiaka Dampa Constituency, Pu Lalrinliana Commissioner RD leh Pi Lalbiaksangi Addll D.C Mamit te bakah Mamit District chhunga Heads of Office te an tel a ni.