2330/2024-2025

Dated: Mamit the 1st of October, 2024 : Tunlaiin kan ramah leh thenawm state-ah ran hri (ASF) leng mekin ziaawm lam a pan theih loh avangin he hri laka Mamit District mipuite ranvulh an lo him zawk theih nan thupek chhuah tula hriat a nih avangin Pu Jacob Lalawmpuia, MCS District Magistrate, Mamit District chuan Section 163 (1) Bharatya Nagarik Suraksha Sanhita ( BNSS), 2023 in thuneihna a pek angin a hnuaia mi ang hian khapna thupek a chhuah:-

1) Mamit District chhungah ramdang (foreign Countries) leh State dang atangin vawk leh vawksa rep leh vawksa atanga siam lakluh khap tlat a ni. 

2) ASF infected area/District danga ASF lenna atangin vawk, vawksa leh a rep atanga siam ei tur Mamit District chhungah lakluh khap tlat a ni.

3) Ran damlo leh hrisello  ei tur atana hralh leh zawrh khap tlat a ni.

4) Vawk thi reng reng Chinai thi/bleeching powder nen thuk taka phum tur a ni a, khamah leh ramhnuaiah paih mai2 tur a ni lo.

5) Vawk thi a awmin a neitute'n AH & Vety Department, Mamit hriattir vat tur a ni.

He thupek bawhchhetu chu section 223 Bharatya Nyaya Sanhita (BNS) 2023 hmangin hrem theih an ni ang. He khapna thupek hi hnuhlet a nih loh chuan, chhuah a nih Dt. 30th September, 2024 atanga thla hnih chhung a huam ang.