2331/2024-2025

Dated Hnahthial the 1st October 2024: Vawiin National Voluntary Blood Donation Day pualin Association for Voluntary Blood Donation Hnahthial Branch,  Govt Hnahthial College Red Ribbon Club, NCC, NSS leh IQAC tang kawp chuan Govt. Hnahthial Auditorium-ah Blood Donation Camp an buatsaih a, Christian Hospital Serkawn Blood Bank thawktuten Hnahthialah kal chilhin thisen hi an la a ni.

Thisen pek hma hian inkawm tawi buatsaih niin Dr. K. Lalzuimawia, President AVBD Hnahthial Branch chuan a kaihruai a, Hnahthial Bawrhsap Pi Rita Lalnunmawii Pachuau chuan thu tawi sawina hun hmangin Lal Isua Krista chuan a thisen sengin mihringte min chhandam a, Lal Isua zuitu kan nih avangin keini Kristiante phei hi chuan midangte tanpuina atan thisen pek hi kan tih makmawh a ni tiin AVBD Hnahthial chu midang tana malsawmna ni chhunzawm tura chahin kalkhawmte chu thisen a tam thei ang ber pe turin a sawm a ni.

Govt Hnahthial College Adutorium a thisen pek runpuiah hian Bawrhsap Pi Rita Lalnunmawii Pachuau leh Pu Zothanmawia Khiangte, Addl DC ten thisen pek bul tanin College thawktute, College zirlai te, Govt Higher Secondary School zirtirtu leh zilai bakah Hnahthial thalai mi sawm hnih pasarih (27) in thisen hi an pe a ni.