Mamit District chu pawnlera inthiar awm lohna Open Defecation Free (ODF) - a puan a nih theih nan endik hna ngawrh taka kalpui mek zel a ni a. Mamit District chhunga khaw hrang hrangte chu State Level ODF Verification Team-te chuan endik hna kalpui mek niin nimin Ni 8/3/2018 khan Pu Lalmuanzova, Engineer-in- Chief, PHE Department chuan Zawlnuam RD Block huam chhung khua, Suarhliap leh Saikhawthlir khuate a endik a. Pu Lalchungnunga, Dy. Director, School Education Deptt leh Pu C. Zothantluanga, Under Secretary (T), PHE Department-te chuan Reiek RD Block huam chhunga khaw thenkhat, Bawngthah, S.Sabual, Rulpuihlim leh N.Kanghmun khuate an endik bawk.

Ni 16/3/2018 khian Pu K.T Beicho, Commissioner & Secretary, PHE Department chuan Zawlnuam RD Block huam chhung Damdiai khua leh N.Sabual khuate endik leh tura ruahman a ni.

Tarlan tawh angin March Ni 5&6 khan Er.C. Lallunghnema, SBM (G) Mission Director, Chief Engineer, PHED Zone - I chuan W.Phaileng, Kawnmawi leh Teirei/Hruaitluang khuate a endik tawh bawk a ni.