Vawiin khan DC Conference Hall, Mamitah Mamit District Security Committee thutkhawm a ni a. Pu Bhupesh Chaudhary, District Bawrhsap/ District Security Committee Chairman ni bawk chuan Meeting hi a kaihruai.

Meeting-ah hian Mamit District chhunga dan leh thupek tha taka kenkawh a nih theih nan leh mipuite kan him tlan theih zawkna turin thenawm ramte atanga dan lo a rawn lut leh ram dang mite atanga pawikhawihna thleng thinte chu thlirho niin a do let dan tur sawikhawm a ni a. Ruihhlo hrang hrang rawn lut leh thing leh mau tawlh ruk chungchanga hmalak dan tur sawikhawm a ni.

Meeting-ah hian Border Fencing chungchanga harsatna hrang hrang BSF hotute atangin ngaihthlak a ni a. A rang thei ang bera Border Out Post (BOP) leh Border Fencing la siam hmabakte zawhfel thuai a nih theih nan hmalak dan tur sawiho a ni.

Vawiin Meeting-ah hian District chhunga dan leh thupek kengkawhtute, ramri vengtu BSF hotute, khawtlang hruaitute bakah Judicial Magistrate atangin an tel tha hle a ni.