1266/2026-2027

Dated : Mamit the 2nd of July, 2026 : Vawiin khan DC Conference Hall, Mamit-ah Pu Suvigya S. Chandra, IAS, Chairman, District Sport Committee/District Bawthsap ni bawk hovin Mamit District Sports Committee thutkhawm a ni.

Vawiin thutkhawmah hian Mizoram State Fund atanga Rs. 1,75,000/- ( nuaikhat sing sarih sangnga) Mamit District Sports tihchangtlunna tura sum lokal chu Sport discipline hrang hranga sem zai dan tur sawiho a ni a, sum hi Sports discipline hrang hrang te'n an activities neih dan a zirte leh an sum mamawh dan a zirin rualkhai taka sem ral nise tih a ni a, District Sports Committee Office Bearers te'n ngaihtuahna seng chungin lo sem zai se tih a ni. Mizoram pum huap Wrestling tournament Mamit-in an dawn turah District Sports Committee hnena sumfaia puih an ngaihna an thlen chu a theih anga tanpui nise tih a ni bawk.

Thutkhawmah hian Multipurpose Indoor Stadium hnuaia dawr luahtute atanga dawr luah man tender chhanga an luah mek rate ennawn tura ngenna lo lut chu District Sports Committee chuan Hall enkawl nana sum sen ral ve ngaite ngaihtuah chunga dilna lutte siam rem hret nise tih a ni. Hei bakah hian Multipurpose Hall-a Sports Items hrang hrang te'n practise nana an hman theih hun dar bithliah hetiang hian siam a ni, zing lam 5am - 8am, tlailam 3pm - 7pm a ni. Mamit District chhunga Volleyball lama hmasawn zel nana tun hnaia din 08 Spikers, Mamit Volleyball Club chungchang leh an hmalak tawhna te committee-ah hian ngaihthlak a ni bawk.

Vawiin hian Pu Lairokhuma, Sr. Vice President, Mamit District Sport Committee, Ni 9 May, 2026-a chatuan ram pan ta sunna hun hman nghal a ni a. He hunah hian Mamit District Sport Disciplines hrang hrang aiawhte an tel a ni.