Mamit District Swach Bharat Mission chu vawiin khan DC Conference Hall-ah an chairman Mamit DC Pu Vanlalngaihsaka hovin hmalak dan tur an sawiho.

Vawiin meeting-ah hian in tinin ekin an neih theihna tur Individual Household Latrines (IHHLs)siam hna kalpui mek leh hmalak zel dan tur sawiho a ni a. Kum 2015 -16 chhung atan sorkar laipui a Ministry of Drinking Water & Sanitation IMIS ah IHHL Mamit District Target atan 1893 a ruahman a ni a. APL chhungkua 712 leh BPL chhungkua 1181 tan ruahman a ni a, chhungkaw pakhat tan Rs 12,000/- zel ruahman a ni.

Hei bakah hian bawlhlawh sawngbawl dan tur "Solid & Liquid Waste Management"chungchang sawiho niin, Vantlang bawlhhlawh paihna tur leh a sawngbawl zui dan tur ruahmanna siam a ni a. Tui luankawrh tha tak siam theih dan tur ngaihtuah ni se tiin Committee chuan a rel a. Vantlang ekin leh inbualna hmun tur "Community Sanitary Complex" sak dan tur leh pawisa awm zat te nen a her rem dan tur sawiho a ni bawk.

DRDA, PHE leh VC ten tangrualin heng ekin sakna tur te a dawngtur dik takin an dawn theih nan survey lo nei tha leh se ti a rel a ni bawk.