Vawiin khan Mamit khawpui laili ber Mizoram co-operative Apex Bank awmna hmun Mamit Field Veng- ah chhiatrupna lo thlen thulha, inven dan tur lem channa (mock drill) neih a ni a, a bul hnaia office te leh khawtlang mipui thahnem tak an tel a ni.

Mock drill neihnaah hian observer pahnih 4th IR atangin SDRF leh District Hospital Medical team te koh an ni thin.

Mock Drill neih zawhah hian 4th IR State Disaster Response Force Team (SDRF) ten damlo leh hliam chhanchhuah dan tur demonstration mipui kalkhawmte an en tir a, Medical Team atangin Pu P.C Lalawmpuia M.O in first Aid pek dan chungchang leh Cardio Pulmonary Recesseitation (CPR) tih dan tur demonstration neih nghal a ni bawk.

Mamit khawpui chhungah hian kar hmasa atangin mock drill hi hmun li (4), D.C Office, St Francis Of Assisi School, PWD Office, leh Apex Bank ah te neih tawh a ni a, tunkar chhung hian P&E leh CJM Officeah te neih leh tura ruahman a ni.

He hunah hian Mamit Bawrhsap Pi Lalbiaksangi, Addl D.C Pu H. Lianzela Nodal Officer ni bawk leh Official dangte an tel tha hle a ni.

Attachment

  • Loading attachment...