Dt 26-28 November 2014 chhunga neih Mizoram Tennis Association hnuaia Mamit District Tennis Association buatsaih Mamit Open Tennis Championship, 2014 - Mizoram Tennis Ranking Tournament ni bawk chu nimin (28.11.2014) khan zawh fel a ni a. Pu John Rotluangliana Minister FCS & CA, Tranport Tourism Bialtu MLA ni bawk chuan kharna hun hmanpuiin Championship te lawmman a sem.
Tournament kharna hun ah hian Pu John Rotluangliana chuan Tennis hi Mizo ten kan la hmelhriat nasat loh leh kan la luhchilh thuk lutuk ni lo mahse Tennis player ten hma kan sawn chho zel a, Khawvel huap pawh a infiamna langsar tak a ni a Mizo te tan pawh a infiamna beiseiawm leh luhchilh tlak tak a nih thu a sawi a, Tennis kheltute hmasawn zel tura a duhsak thu a sawi a ni.
Pu Mickey Lalenkawla Organising Chairman leh Secretary Mamit District Sport Committee ni bawk chuan kharna hun hi a kaihruai a, Mizoram Tennis aiawhin Pu Joel Murray Executive Committeee Member MTA pawhin thusawina a nei bawk.
Mamit Open Tennis Championship 2014 ah hian hetiang hi result a ni. under - 14 Champion Lalremsanga, Mamit niin Runners Up Lalchhandama, Mamit a ni. Under -18 ah Champion Lalrinsanga Mamit, Runners Up Victor Lalchhanhima Mamit leh Senior ah Champion Mankhuma Khawzawl, Runners Up Lalrosanga Mamit niin Mens Double ah Innocent Lalrindika & Hmachhuana te champion in Ramengmawia & Lalrinawma te Runners Up an ni. Mens Single ah Champion Ramengmawia Ngopa ( Mizoram No I) Runners Up ah Lalrinmawma P&E te an ni.
He Tournament kharna hunah hian Pu K. Lalthawmmawia District Bawrhsap District Sports Committee, Mamit District pawhin a hmanpui a ni.
Mamit Open hi Mizoram State Sports Council Sponsor niin Mamit District Sport Committee bakah Mamit a Department thahnemngai engmawzat leh mimal dawr neitu ten an sponsor a ni.
