Vawiin khan DC Conference Hall Mamitah Bank chungchanga District Consultative Committee / District Level Review Committee thutkhawm a ni a. Pu Jacob Lalawmpuia, Addl.DC Mamitin Meeting hi a kaihruai a. Mamit District chhunga Bank hrang hrangte hman tur Annual Credit Plan 2018-2019 a tlangzarh nghal bawk. 

Meeting-ah hian Mamit District chhunga Bank Branch 9 awmte Credit-deposit ratio (C.D. Ratio) dinhmun thlirho niin March 2018 quarter tawp thlenga an dinhmun chu hetiang hi a ni.

SBI Mamit - 38.39%

SBI Zawlnuam - 27.20%

MRB Mamit - 50.96%

MRB Kawrthah - 33.12%

MRB Rawpuichhip - 53.43%

MRB Kanhmun - 127.91%

MRB W.Phaileng - 34.83%

MRB Reiek - 31.71%

MCAB Mamit - 70.69%

Tihian C.D. Ratio Norms 60% a nih laiin 44.97% chauh kan dinhmun a ni a. Bank hrang hrangte'n hei aia tam zawka mipui pawisa tlingkawm atanga mipui a mamawhtute hnenah vek loan pe chhuak turin Committee chuan Bank hotute a ngen a ni.

Mamit District chhunga Bank Branch hrang hrangte'n mipuite hnena Financial Literacy Campaign an neih zat thlirho a ni a. Bank hrang hrangte hian vawi 41 a mamawhtute hnenah Awareness Campaign hi an nei a ni.

Meeting hian District Consultative Committee chu hei aia hlawhtling zawk a nih theih nan Loan puk thei tur zawng tur (Potential Borrowers) Sub- Committee din nise a ti a. Hei bakah hian Bank Branch hrang hrangte chu quarter khat chhunga Loan Application an dawn zat, loan pekchhuah zat bakah Loan pek lohte an Reject nachhan DCC Committee-a ennawn leh tura thehlut turin vawiin Meeting hian a rel bawk.

Vawiin Meeting-ah hian SBI, MRB leh MCAB Mamit Branch Manager, Aizawl atangin RBI Representative, Kolasib atangin Lead Bank Manager, NABARD Representative bakah SDIO leh KVI atangtein an tel a ni.