No.593/2021-2022

Aizawl the 20th May, 2021 : Covid-19 thawh hnihna leng mekah, a bial chhung mipuite thlamuan leh tanpuiin Man Power Development Board Vice Chairman leh Aizawl West-I Bialtu MLA ni bawk, Pu Zothantluanga chuan a bial chhunga Veng hrang hrangte a tlawhin Local Task Force-te hnenah an vengchhung theuha chhuanchham eitur nei lote hnena sem turin heng te hi Veng tinah a sem a ni - Buhfai Bag 5 theuh, Alu Bag 2 theuh, Dal Bag 2 theuh, Purunsen Bag 1 theuh leh Neutrela. Heng bakah hian a bial chhung Veng hrang hrangah, an mamawh ang zelin PPE Set, Blood Pressure Monitor, Pulse Oxymetre leh damdawi chi hrang hrang a pe nghal zel bawk a ni.

Pu Zothantluanga chuan a bial chhunga Veng hrang hranga Taxi Welfare-te hnenah Rs.7000 theuh a pek bakah Rangvamual-a Police Duty-te hnenah thingpui inna tur Rs.2000 leh theitui engemawzat a pe bawk a. Chawlhhmun-a Agape Camping Centre tan Buhfai Bag 4 a pe bawk.

Aizawl West-I ah huamchhungah hian Chawlhhmun leh Tribal Art Centre, Tanhril-ah te Covid Care Centre (CCC) awmin, heng Centre tan hian Pu Zothantluanga chuan damdawi dah thatna tur Refigerator leh an mamawh chi hrang hrang a lei sak bakah, CCC building atana hmann mek Co-Operative Building thuamthat ngai laite pawh ama sum sengin a thawmthat sak bawk a ni.

Aizawl West-I huamchhunga Veng pathum Tanhril, Sairang leh Dinthar Sairang-ah te hian khawtlang tangrualina an din Covid veite enkawlna hmun Community Covid Care Centre (CCCC) te a awm bawk a. Heng hmuna damlote enkawlna tur damdawi chi hrang hrangte chu Bialtu MLA chuan a tumsak vek bawk a ni.

Pu Zothantluanga hian a bial chhunga veng/khua 15-a Local Task Force-te hnenah hian an mamawh anga an hman atan Rs.10,000/- theuh a lo hlan tawh bawk a ni.