Vawiin chawhnu dar 2:30 khan Manipur a Mizo Peoples Convention (Non-Political Organisation), YMA, MZP leh Mizo hnamte inthlun khawmna hotute chuan Pu P.L. Thanga, Member &Secretary, Mizoram Planning Board office ah Central YMA hotue nen inkawmna an nei.

Pu T. Sangkhuma, President, Mizo Peoples Convention leh Pu C. Phunthanga, Adviser te chuan Mizoram an rawn kal chhan chu Mizoram sorkar hmalakna leh YMA hnathawh avangin Manipur-ah pawimawh tak dinhmunah Mizote an awm chu lawmthu rawn sawi an duh a, Central YMA hotute bakah remchangah Chief Minister pawh hmuh an tum thu an sawi.

Central YMA lam atangin Pu T.Sangkunga, President leh hotu dangte an tel a, MPC hotute hian December ni 9, 2011 a \'Mizo Day\' Churachandpur a an neih turah Pu Lal Thanhawla chu khuallian turin an sawm a, YMA hotute pawh an sawm tel nghal bawk.