1567/2023-2024

Dated Aizawl, the 18th August, 2023: Vawiin khan Tengnoupal District; Manipur atanga mipui aiawh hruaituten Chief Minister Pu Zoramthanga chu a pisaah an hmu a, tunlaia Manipur buaina leh a kaihhnawih hrang hranga an thlavang a hauhsakna leh a hmalak saknate avangin lawmthu an hrilh.

Chief Minister hian Tengnoupal district dinhmun tlangpui leh harsatna an tawh dante a lo zawt a, an hmalak zel dan tura a thurawn an dil angin thurawn hrang hrangte a lo pe a ni. Chief Minister hian a theih chin chinah a ralmuang zawng zela hmalakna siam a, Non-Violence policy kalpui tum tlat turin a chah a. Mizoram sawrkarin mipui harsatna tawkte mamawh phuhrukna leh tanpui theihna a neih apiangah theihtawp a chhuahsak zel dawn tih sawiin, Mizoram leh Manipur inkalpawhna kawngte pawh Mizoram sawrkarin a chei tha chho zel dawn tih a hrilh a ni. Medical Emergency leh Lengpui Airport an mamawh ni atan sawrkar laipuiin Aizawl leh Churachandpur inkar Helicopter Service a remti tak avangin an harsatna tam tak a ziaawm phah a beisei thu a lo hrilh bawk.

Mipui aiawh hruaitute hian harsatna an tawhna hranga hrangah Mizoram sawrkarin a tanpui that avangin lawmthu an sawi a, zofate tan pa nih tlin taka hma a lak avangin an thlamuanpui hle tih an sawi a ni.

Tengnoupal District mipui aiawh hruaitute hi an leader Pu Khaitinlem hovin an rawn kal a ni.