1568/2023-2024

Aizawl, the 18th August 2023: Vawiin chawhma khan Tribal Research Institute, Art & Culture Department buatsaihin Chanmari YMA Hall-ah 'Mizo tual zal nun - hman leh tun' tih thupui hmangin Seminar neih a ni.

He Seminar pawimawh tak hmanpuitu, Pi Carol VLMS Dawngkimi, Director, Art & Culture chuan, "Kan pi leh pute nun dan tha leh mawi hriat leh chhawmnun chu hnam hmasawnna zel kan nihnaah kan tih tur a ni a, kan nihna dik tak kan hnam ziarang tha leh hlu te hi kan hmel pholang tu a nih avangin kan hre Chiang hle tur a ni', a ti.

He Seminar hi Pu F. Lalthanmawia, Senior Research Officer, Tribal Research Institute chuan a kaihruai a.

Seminar-ah hian Prof. R.L. Thanmawia chuan 'Mizo tual zal nun - hmanlai' tih thupui sawifiah leh sawizauna hun a hmang a. Prof. Malsawmliana hnen atangin 'Mizo tual zal nun - tunlai' tih thupui hmanga sawifiahna ngaihthlak a ni bawk. Heng thupui pawimawh tak te zirhona leh sawihona hun hi Pu Lalrammawia Ngente, Associate Professor chuan a kaihruai a ni.

He thupui zirhona-ah hian Govt. Mizo High School atangte, Govt. Aizawl College-a Post Graduate zirlai atang te, IMFA-a Dance & Music zirlaite bakah Mizo Academy of Letters atangin mi engemaw zat an tel bawk a ni.