No.1271/2020-2020

Manpower Development Board Vice-Chairman leh Aizawl West-I bialtu MLA ni bawk Pu Zothantluanga chu a bial chhung Veng hrang hranga phai atanga lo haw Quarantine mekte enkawltute tan PPE a sem.

Covid-19 hri leng mekah, tunlai hian Mizoram Sorkar chuan Mizoram mi phai lama awmte Mizoramah a hruai haw mek a, heng lo hawte hi Veng hrang hrangah Quarantine hlawm niin Local Task Force ten an buaipui mek a. Sub Centre-a thawktuten nitin an hriselna an endik sak thin bawk.

Aizawl West-I bialtu MLA Pu Valtea chuan nimin May ni 20, 2020 (Nilaini) leh vawiin May ni 21, 2020 (Ningani) khan a bial chhunga Veng hrang hrangah, heng Quarantine mekte enkawltu Local Task Force-te leh Sub-Centre a thawkte hak tur hian PPE hi a sem kual a ni.

PPE hi Sairang LTF hnenah 6, Dinthar Sairang LTF-ah 4, Sihhmui LTF ah 6, Govt. Complex LTF ah 7, Chawnpui LTF ah 10 leh Zotlang Sub-Centre tan 5 a pe bawk.

Heng bakah hian Pu Zothantluanga chuan Veng hrang hranga damlo/mitthi phur motor Ambulance driver te hnenah leh Quarantine tur phurtu Bus Driver te hnenah a lo pe tawh bawk a ni.