Mizoram Apex Sericulture Cooperative Society (MASCOS) Ltd. chuan vawiin khan Mizoram State Archive Hall-ah General Conference vawi-13 na an hmang. Conference hawna programme ah hian Pu J H Rothuama, Cooperation Minister chu khuallian a ni a, Pu Nihar Kanti Chakma Sericulture Minister chu khualzahawm niin programme hi Pu C Lalchawimawia Chairman MASCOS Ltd in a kaihhruai a ni.
Pu J H Rothuama chuan Mizoram a corporation thenkhat ten hlawkna an neih loh laia cooperative federation hrang hrang thawktu nei tlem si in hlawkna an nei thei chu an fakawm tiin entawntlak an nih thu a sawi a. Sorkar in cooperative movement a ngaih pawimawh thu sawiin Mizoram Cooperative Development Council din a nih theih nan Assembly Session awm leh tura Council din nana Bill a luh a beisei thu a sawi.
Pu N K Chakma chuan NLUP kaltlangin kum nga chhunga pangang khawitu chhungkaw 8500 vel tanpuina pek an nih tur thu sawiin society member NLUP tanpuina sum dawngte chu a hmanna tur dik taka hmanga rinawmna, taimakna leh inpumpekna nen an hna thawk turin a fuih a ni.
MASCOS hi kum1999 khan din niin a hnuaiah sericulture society 34 an awm mek a, sericulture-a eizawngtu chhungkaw 1000 vel an enkawl mek a ni. MASCOS hi zokhaw lamah sericulture farmers ten cocoon an thar chhuah te man man zawka hralhna hna thawk tura Sericulture leh Cooperation Department pahnih ten lungrual taka an din a ni.
Conference hawnna programme-ah hian Pu J Ramliana Managing Director MASCOS Ltd. chuan Annual report a pek a. Chawhnu lamah rorelna hun leh kum 2011 - 2013 chhunga an hruaitu thlanna an nei nghal bawk a ni.
Pu N K Chakma chuan NLUP kaltlangin kum nga chhunga pangang khawitu chhungkaw 8500 vel tanpuina pek an nih tur thu sawiin society member NLUP tanpuina sum dawngte chu a hmanna tur dik taka hmanga rinawmna, taimakna leh inpumpekna nen an hna thawk turin a fuih a ni.
MASCOS hi kum1999 khan din niin a hnuaiah sericulture society 34 an awm mek a, sericulture-a eizawngtu chhungkaw 1000 vel an enkawl mek a ni. MASCOS hi zokhaw lamah sericulture farmers ten cocoon an thar chhuah te man man zawka hralhna hna thawk tura Sericulture leh Cooperation Department pahnih ten lungrual taka an din a ni.
Conference hawnna programme-ah hian Pu J Ramliana Managing Director MASCOS Ltd. chuan Annual report a pek a. Chawhnu lamah rorelna hun leh kum 2011 - 2013 chhunga an hruaitu thlanna an nei nghal bawk a ni.
