Vawiin khan Pu Dawngliana, D.C., Kolasib chuan SIRD, Mizoram Kolasib buatsaih ‘Induction Course for Master Resource Persons under BRGF’ chawlhkar thum awh tur training chu SIRD Conference Hall, Kolasib-ah a hawng. Hawnna thu sawiin, “Sorkar hian Sustainable Development thlen tir a tum a, chutiang atan chuan NIRD te, SIRD te hi sorkar-a rawtna thlentu leh ngaihtuahtu an ni a, an role hi a pawimawh em em a ni” a ti. “Rural Development Ministry hian scheme tam tak a duang chhuak a, chungte chu state-ah chuan R.D. Department kaltlangin DRDA leh BDO ten an execute a ni. R.D. hi a pawimawh vang nilovin, thingtlanga mi cheng an tam avangin R.D. Scheme te hi siam mai mai niin a lang a ni” a ti a. Trainees te chu tih tak zeta zir tur leh mumang ram thleng pawha hmu khawpa zir thin turin a chah a ni.
Training-ah hian Saiha leh Lawngtlai atangin lehkhathiam mi 10 ve ve an tel a, heng mite hi D.C. leh P.D. hona hnuaiah interview kaltlanga lak an ni a. Anni bakah hian Aizawl leh Kolasib atangin mi 5 lak an ni a, an vaiin mi 25 an ni.
Hawnna inkhawm hi Pu Khuangthansanga Pakhuangte, Course Director chuan kaihruaiin, Pi Malsawmdawngliani Fanai, Principal, ETC Thingsulthliah chuan inlawmna thu a sawi a, Pu Khawlsiamthanga Khawlhring, Principal ETC Pukpui chuan lawmthu sawiin hun a khar a ni. Training chung hian SIRD a mithiamte bakah SSA, NRHM leh Line Department danga mithiam hrang hrang ten zirtirna an pe ang a, Mamit, Kolasib leh Aizawl District chunga sorkar hmalakna te a hmunah kalchilhin an zir bawk ang.
Hawnna inkhawm hi Pu Khuangthansanga Pakhuangte, Course Director chuan kaihruaiin, Pi Malsawmdawngliani Fanai, Principal, ETC Thingsulthliah chuan inlawmna thu a sawi a, Pu Khawlsiamthanga Khawlhring, Principal ETC Pukpui chuan lawmthu sawiin hun a khar a ni. Training chung hian SIRD a mithiamte bakah SSA, NRHM leh Line Department danga mithiam hrang hrang ten zirtirna an pe ang a, Mamit, Kolasib leh Aizawl District chunga sorkar hmalakna te a hmunah kalchilhin an zir bawk ang.
