Vawiin khan SCERT, Mizoram huaihawtin ‘Seminar on Learning Mathematics, Prospects and Challenges’ tih thupui hmangin State Level Seminar SCERT, Auditorium, Chaltlang ah neih a, Seminar hi Dr.Lalchungnunga; Chairman, MBSE in a hmanpui a ni.

Seminar hawnna inkhawm hi Pi Laldawngliani Chawngthu, Director SCERT in kaihruaiin SCERT in an mahni puala State Level Seminar a vawikhatnaatna an neih dan sawiin, Mathematics zirna lama hma kan sawn theihna turin kan tlan a ngaihzia a sawi. Khuallian Dr.Lalchungnunga chuan Mathematics hi a pawimawh a tih thusawiin, zir a harsat lam sawi tam lova zir a nawm zia leh a awl sam zawnga sawi tam a tulin a hriatthu a sawi. Pi D.Ramdinthangi Joint Director, SCERT chuan lawmthu sawina hun hmangin Textbook buatsaih chungchangah hma an laknate sawiin sawrkar lama hotute remhriatna avangin a hun taka nakum zirlaibu pawh peih hman a beisei thu a sawi bawk.

He Seminar ah hianmi pali in paper an present a, chungte chu - Dr. L.P Lalduhawma, Asst. Prof., PU College – Overview of Mathematics Education in Mizoram; Pu J.Lalvohbika, Asst. Prof., PU College – Activity Based Learning; Pu F.Lalliansanga, Science Consultant, SCERT - Paradigm shift in Mathematics Education leh Pu H.Lalhruaitluanga, Lecturer, SCERT – Mathematics education, the way forward tih te a ni a.

He seminar hi Dr. L.N Tluanga’n a hmanpui a, thuchah tawi a sawi a. A ni bakah hian NGO hrang hrang CYMA, MZP, MSU te leh Primary School atanga Higher Secondary School zirtirtu pawl hrang hrangte leh Elementary level a Mathematics Textbook Committee memberte an tel bawk a ni.