District Transport Office Mamit buatsaihin vawiin khan Mamit khawpui chhunga Maxi Cab leh Taxi Driver te tan Siamliana Hall, Mamitah Lirthei chetsualna laka fimkhur zawkna tur leh hriat belh ngaite in hrilhriatna hun hman a ni a, Pu H. Lianzela Addl D.C in a hmanpui.
He hun hmanpuitu Pu H. Lianzela Addl D.C chuan Drivers te chu Road Safety Week chhung mai nilovin fimkhur tak a lirthei khalh thin turin a fuih a, Lirthei chetsualna thlen tam tu ber chu tlan chak lutuk vang leh fimkhur lo taka lirthei kan khalh thin vang a nih thu sawiin chetsualna tam tak pumpelh tur hian Drivers te in pawimawh hle a ni a ti a, Drivers te chu an nitin hna an eizawnna an lirthei khalh dinhmun leh Trafics Rules chiang taka hre hmasa a lirthei khalh thin turin a chah bawk a, heibakah hian Phone hmang chunga lirthei khalh hi dan kalh a ni tih hre thar theuh tur te leh kawngpui hi mipuite ta a ni a, hawihhawm taka mipuite ngaichang thiam tur leh training hlawk taka hmang turin kalkhawm te a chah a ni.
He hun hi Pu L.T.Zodinliana,DTO Mamit in a kaihruaia,Training hi Pu F. Lalthlamuana SDPO, Mamit leh Pu Benjamin Lalhmingsanga, (MVI) ten an pe a, he training ah hian khawpui chhunga Maxicab leh Taxi driverte an tel tha hle a ni.
