Vawiin hi National Deworming Day atan Sorkar laipui a Ministry of Health and Family Welfare chuan puangin, a vawikhat hmanna tur a ni a. Hmun dang rualin Champhaiah pawh DC Pu Vanlalngaihsaka hovin GM High School-ah he hun hi hman a ni. He Ni in a tum ber chu rulhut pai vanga natna (parasitic worm infection) tihniam tura hmalak niin, naupang kum 1-19 inkar zawng zawngte, School-ah leh Anganwadi Centre (AWC)-ah te a thlawn in rulhut hlo pek vek tura ruahman a ni.

DC chuan school naupangte chu ram nghahfak, mipuite innghahna atan hna pawimawh tak tak la thawk tur an ni a. Chumi atan chuan thil dang rualin hriselna tha neih a pawimawh hle a. Ram pum huap hian naupangte zingah thisen nei tlem (anaemic) an tam hle a, chumi bulpui ber pakhat chu rulhut pai vang a ni tih mithiamten an hmuchhuak leh zel a. Heihi Sorkar chuan ngai pawimawhin naupang ten lehkha tha tak leh rim taka an zir theih nana pawimawh hriselna tha an neih theih nan Nation Deworming Day chu hman a nih thu a sawi a ni.

Vawiin hun hi Dr. R. Liamawia, SMO leh District Nodal Officer ni bawk chuan a kaihruai a. Naupangte hi rulhut hlo Albendazole pek an ni a. Pi Lalhminghlui, DEIC Manager (RBSK) chuan lawmthu sawiin hun a khar a ni.

Ram puma district 537 chhunga naupang vaibelchhia 27 chengte chu he project hian a target a ni.