2227/2023-2024

Aizawl, 09.10.2023: Vawiin khan Mizoram Board of School Education buatsaihin Directorate of School Education Conference Hall, Aizawlah Training of Master Trainers on Online Application Software & Integrated Digital Payment System chungchanga training chu tan a ni.

He Training hi ni 09.10.2023 atanga ni 19.10.2023 thleng neih tura ruahman a ni a. Aizawl bika training hi ni 5 (nga) chhung neih tur niin ni 13.10.2023 thleng a awh anga, Aizawl, Kolasib, Mamit, Serchhip leh Saitual district chhunga high school leh higher secondary school examination centre leh feeder school atangin zirtirtu pakhat theuh an tel ang.

Training-ah hian MBSE online portal thara online registration tih dan te, online a exam form fill-up dan te, affiliation dil leh fee pek dan bakah thil thar MBSE portal-a awm te zirho a ni a. Heng bakah hian MBSE-in a hman mek Integrated Evaluation Scheme (IES) chungchangte zir ho leh niin, online portal hmanga internal mark submit dan te inzirtir a ni.

Aizawl District a training buatsaih zawh a nih hnuah, Lunglei leh Champhai District-ah te training hi neih chhunzawm leh tura ruahman a ni.