Vawiin khan Chief Minister Pu Zoramthanga chu a pisa ah Mizoram Civil Service 2018 batch, tuna training nei mek te chuan an hmu. Pu Kesavan R, ATI Director leh Pi Angela Zothanpuii, Joint Director ten trainees hi an tawiawm a ni.

Chief Minister chuan MCS trainee ten Training Schedule tha tak an nei chu lawmawm tiin state dangte tan pawh a entawntlak tura siam zel ni se a ti a. Trainee ten an hna an zawm hunah pawh officer thawk tha, rinawm leh thahnemngai tak ni turi a chah. Chief Minister chuan officer hna thiam leh thawk tha ni tur chuan thil tam tak bakah tawng thiam tam a tangkai thu sawiin officer te chu India rama awm kan nih angin Hindi tawng thiam tum turin a chah bawk. Chief Minister chuan State inrelbawlna tha zawka a kal theih nan Mizoram tan IAS cadre hran siam chu a ngaihpawimawh thu a sawi bawk.

MCS 2018 batch te hian kum khat chhung training hi neiin, India state hrang hrangah leh Mizoram chhung hmun hrang hrangah training an nei an, May thla tawp hian an course an zo ang.