Vawiin Lai Autonomous District Council huam chhunga MDC Seat ruak pathum hnawh khahna tura Bye-Election vote thlak chu tluang taka neih zel a ni a, hetih laiin II-Borapansury II bial ah erawh chuan tlai lam dar 4:00 Pm thleng khan vote tla a la awm lo thung.

10-Lawngtlai Bazar bialah chuan tlailam dar 4 thleng khan vote 1006 a tla a, he bialah hian vote thlak thei mi 1477 an awm a. Tlailam dar 4 thlenga vote tla zat hi 68.02%(Percent) a tling a ni. He thu ziah lai thleng hian vote thlak tum mi eng emaw zat an awm.

24-Tuithumhnar bialah hian polling station pariat a awm a, heng zinga polling station pahnih Sabualtlang leh Hruitezawl atang te in report dawn theih a ni lova, polling station dang paruk atanga tlailam dar li (4:00 PM ) thlenga vote tla zat chu 1304 niin heng polling station paruk a vote awm zat chu 1743 a ni a, he thu ziah lai thlenga vote tla zat hi 77.48% (Percent) a tling a ni. Heng polling station zinga pakhat Kakichhuah ah chuan vote tla zawng zawng hi 100%(Percent) a ni tawh bawk.

II-Borapansury II bialah hian he thu ziah lai thleng hian vote tla a la awm lova, vote thlak tawp hun tlai lam dar 5:00 Pm thlenga vote tla a awm lo a nih chuan State Election Commission chuan a kalpui zel dan tur a ngaihtuah tha leh ang.