Nimin tlai dar 4:00 khan Mizoram Departmental Officer Association (MDOA) Office Bearers leh Committee Members thenkhat chuan Chief Minister, Pu Lal Thanhawla chu a office-ah an hmu.

MDOA chuan Mizoram sorkarah hna chak zawk a kal theih nan leh stagnation nasa lutuk tih zia awm anih theih nan officer post ruak te chu hnawh khah zung zung nise tiin Chief Minister hnenah an thlen chu Chief Minister chuan ngai pawimawh in, a enkawltu Minister leh Chief Secretary lo sawipui a tum thu a hrilh.

Secretariat ah department aiawh officer neih ve theuh an rawtna pawh Chief Minister chuan lo enzui pui a tum thu a hrilh bawk.

MDOA hotute chuan Chief Minister in an thu sawi ngai pawimawh taka a lo dawnsawn naah an lawmthu leh heng an thil dilte hi Mizoram sorkar leh mipui tana hmasawnna awm theihna tur anih avangin sorkarin an ngaihtuah ngei an beisei thu an sawi.