Tun hnaia tualchhung thuthang thenkhata lo lang SSA in School Uniform a sem chungchangah sorkarin Middle School leh Primary School te hnenah a ruka lehkha thawnin naupang pakhatin school uniform set hnih theuh dawng anga report pe turin a hriattir tih chungchanga thil awmdan dik tak chu Under Secretary, Govt. of Mizoram, School Education Department chuan a hnuai ami ang hian thuchhuah siamin a sawifiah.
SSA State Project Office chuan school uniform leina tur kum 2011-2012 atana a hmuh chu ni 10.2.2012 khan District tinah released a ni a, (vide letter No. G.24012/1/11-SPO(SSA) dt. 10.2.2012, copy enclosed). District tin hian ti khawtlai lovin school hrang hrang ah a released nghal vek bawk a. School tinte hi pawisa an hman dan (utilisation certificate) chu pawisa released atanga thla thum chhunga thehlut ngei tura hriattir an ni a. Thla 3 (thum) a ral hnu pawha school thenkhatin utilisation certificate hi an thehlut tak loh avangin thehlut thuai turin tawngkaa hriattir an ni a. School uniform lei dan tur hi SSA framework leh Director, Ministry of Human Resource Development, Department of School Education & Literacy, Govt. of India lehkha No. 15/4/2011-SSA(PR) in a phut angin School Management Committee (SMC) in an lei tur a ni a, chuvangin pawisa pawh hi an hnenah hian thawn vek a ni. Regulation No. 14 (a) leh 15 (i) of the Mizoram SSA Mission (Constitution, Function & Power of District, Circle and Village Units ) Regulation 2002 leh Manual on Financial Management and Procurement (FMP) zulzuia hman tur a ni tih pawh hriattir vek an ni. A ruk a rala lehkha thawn engmah a awm lo e.