Vawiin khan Transport Department Conference Hall-ah Mizoram Departmental Officer Association (MDOA) Executive Member te chuan an member Joint Director leh a chunglama kaisangte lawmpuina neiin lawmpuina thuziak an hlan.

He hun hi Pu David L. Thangliana,Vice President, MDOA chuan kaihruaiin MDOA member-ten hetiang dinhmun an lo luah theih tak nachhan chu MDOA hotuten thahnem ngai taka sorkar an lo nawrna rahchhuah a nih thu a sawi.

MDOA member kaisang tharte hi Pu Lalrozama, Director, Sericulture; Pu C. Lalrinawma, Jt. Director, Sericulture; Pu Biakthanmawia, Director, Tourism; Pu Saitluanga, Jt. Director, Tourism leh Pu Zothanzuala Chhangte, Jt. Director, Transport Department ah te an ni.

MDOA hian meeting pawimawh nei zuiin, an member a mimal ang leh Department anga hmalakpui tul thenkhatte chungchang an nghal bawk a ni.