Vawiin khan Mizoram Departmental Officers Association (MDOA) Officer Association zinga hlawm lian berte chuan an member kaisang tharte chawimawina hun, School Education Conference Hall, McDonald Hill, Zarkawtah an nei.
He hunah hian Pu Vanlalrema Vantawl, President MJA General Hqrs. chu khualllian niin, officer kalkhawmte hmaah thu sawiin, kaisang tharte lawmpuina Citation (Thuziak) a hlan a ni.
Pu Vanlalrema chuan kaisang tharte chawimawina chang an member puiten an hria chu a ngaihsan thu sawiin, inchawimawi hunah in chawimawi thiam pawimawh a tih thu a sawi. Department hrang hrang officer intelkhawmten an sawmna chu a phu loh leh ropui a tih em em bawk si thu a sawi a, officer te hi ram tana pawimawh dawr nuam taka awm turin mipuiin an beisei a, dawr hrehawm tak te hian department hmel an ti bawrhbang thin, chuvangin rinawm tak leh taima tak, dawr nuam taka awm turin kalkhawmte chu a ngen a ni.
He hunah hian Pu David L. Thangliana, MIS, Vice President, MDOA chu Chairman niin, Pu Lalchuailova, President, MDOA chuan MDOA hmalakna hrang hrang sawiin, Er. R. Lalrammawia, Jt. Secretary, MDOA in lawmthu sawina a nei bawk.
Kaisang lawmpuina hlan te hi : Pi Laldawngliani Chawngthu, Director, SCERT Department; Pi Zothanmawii, Jt. Director, SCERT Department; Pu Ngurchungnunga, Sailo, Commissioner of Excise & Narcotics Department (END); Pu R. Lianhluna, Deputy Commissioner, END; Pu F. Lalhminga, Deputy Commissioner, END; Dr. Lalnunthara, Director, Social Welfare Department (SWD); Pi Vanlalpianpuii, Jt. Director, SWD; Pu S.P. Singh, Director, Fishereis Department; Pu Lalhmangaiha, Jt. Director, Fisheries Department; Pu Lalrinmawia, Director, Sericulture Department; Pu L.H. Rosanga, Commissioner of Taxes; Pu Kailiana, Jt. Commissioner of Taxes; Pu Lalhmunsiama, G.M., Commerce & Industries (C&I) leh Pu H.D. Lalrintluanga, Jt. Director of C&I te an ni.
Kalkhawmte hian MDOA te chu sorkar-ah uchuak taka duh thlen lo turin, mahse, service dang a mi te pawn an dawn ang leh an chan ang te chu uluk takin ngaihtuah a, sorkar-ah thlen ve thin a, theih tawp a nawr turin tanrual a pawimawh tih te an rel nghal bawk a ni.
