Vawiin chhun dar 12 khan Mizoram Departmental Officers Association (MDOA) Office Bearer te chuan Pu Lal Thanzara, Minister, DP & AR etc. a office ah an hmu a, an mamawh leh harsatna hrang hrangte an thlen.

MDOA chuan Mizoram Departmental Officer Association in sorkar a an lo thlen thin IAS post pakhat chauh an kai ve theihna thin post pahnih ah sorkarin a siam sak chu lawmthu an sawi a, hetih lai hian Organised Service Officer te Secretary post hial nei mek ten he post an dil ve thei tho chu dik tawk lovin an hriat thu Minister hi an hrilh.

Departmental officer te an post ah kum 5 tal an awm phawt hma chuan an kaisan theih loh avangin top post tih ruah a ngai fo thin avangin Organised Service mi thenkhat tan an top post luahtir an nih phah thin chu, Organised Service te angin Group A entry grade a an service chhiar qualifying service a top post luah thei an nih chuan luahtir ve nise tiin ngenna an siam bawk.

Departmental officer ten Director post an neih ve mek hote hi IAS emaw, MCS emaw post ah rin luh ni lo turin sorkar an ngen thu MDOA chuan Pu Lal Thanzara hi an ngen bawk.

Attachment

  • Loading attachment...