Vawiin khan I&PR Auditorium ah Bureau of India Standard (BIS) buatsaihin BIS hnathawh dan kalhmang leh mipuite hnena hriattur pawimawh inzirtirna ‘Meet with Consumers, Consumer Association & BIS Licences/Industries & Entrepreneurs Association of Mizoram neih a ni.

Consumer Union aiawhte leh Legal Metrology Department in meeting hi an tel a, Pu K.C. Santra, Scientist ‘F’ & Head, BIS Guwahati chuan meeting a hmanpui.

BIS hi 1947 ah din a ni a. A hnathawh ber chu mipuite hman tur quality tha leh standard siam hi a ni ber. Tunah hian thil chi hrang leh product chi hrang 17500 zet ah standard a siam tawh a.Bureau of India Standard Act 1996 hmangin thil siamtute chu an thil siam a that dan angin ‘ISI’ mark hman phal sak thin a. ISI mark hi kum khat atan zel hman phalsak a ni thin. A hnuah tih nun theih a ni. ISI mark hi thil siam chhuah rintlak leh Consumer te tana lei ngei chi a ni. In chhung bungrua leh thil dangah pawh ISI mark chuang a that bik dan leh industries te an endik thin thu a sawi. Training programme te pawh an buatsaih thin thu a sawi.

Consumer Organisation leh Industries Organisation te nena thawhho a tul thu a sawi.