Dr Lalrozama, IAS District Bawrhsap Mamit leh Dr SV Srinivas, CEO Rural Electrification Corporation Limited (REC) Gov't Of India  Navratna Enterprise, Corporate Social Responsibility (CSR) atanga Mamit Aspirational District zirna leh hriselna kawnga chawikanna atana hmalakna turin inremna siam a ni.

REC Limited Government of India, Navratna Enterprise hnuaia Corporate Social Responsibility (CSR) atang hian Mamit District chawikanna tur Rs 20.63 Crore hmuh hi Mamit District chhunga naupang school kai rual zirna dawnglo mi 532 te school kaltir, Zirtirtu thiamna bik nei tur mi 912 te training pek, School 20 te Smart Class tura thuam, Hmeichhia ziak leh chhiar thiamlo mi 4000 zawn chhuah tawhte ziak leh chhiar thiam tura zirtirna pek, Primary School 245 te hnena Water filter pek,  Higher Secondary School 144-ah tui hnianghnar pe tura hmalak a nih dawn bakah Sawrkar School thuamthat nana hmalak a ni ang.

Mipuite hriselna kawnga hma kan sawn theih nan Mamit District chhunga Primary Sub Centre 41, Primary Health Centre 9, Community Health Centre 1 leh District Hospital te thuamthata tihchangtlun tum a ni a. PHC leh CHC bakah District Hospital 11 te tan Mobile Medical Van pek tum niin heng bakah hian Hospital mamawhte a theih ang anga thuamthat nana hman tum a ni ang. District chhung khaw hrang hrang atangin TB damlo enkawl thiam leh Damdawi lama thawktute pui theitu tur mipa leh hmeichhia mi 84 te training pekna tura ruahmanna kalpui a ni bawk ang.