Nimin tlai dar 6:00 khan SE, PWD Quarters, Lungleiah Mizoram Engineering Service Association (MESA) Sub-Headquarters, Lunglei te chuan Annual General Body Meeting an nei a. Kum 2016-17 chhunga MESA Sub-Headquarters hruaitu thar thlanna an nei nghal.

MESA Sub-Headquarters Lunglei Annual General Body Meeting hi Vice-President Er. Zodingliana, EE, P&E Department-in a kaihruai a. Senior Advisor Er. C. Lalchhuana, SE, PWD leh Er. H. Zoliana, EE, P&E Department ten fuihna thu an sawi. Sub-Headquarters Secretary Er. Lalchhuana, Sr. EE, PWD leh Treasurer Er. V. Lalhmunmawia, SDO, PWD atangin report ngaihthlak a ni bawk.

MESA Sub-Headquarters hruaitu thar thlanna hi Returning Officer atana ruat Pu Vanlamuana, DIPRO, Lunglei in a kaihruai a. Hetiang hian kum 2016-17 chhunga MESA Sub-Headquarters hruaitu turte thlan tlin an ni – President : Er. Zodingliana, EE, P&ED

Vice-President : Er. B. Lalhmuakluaia, Principal, Mizoram Polytechnic

Secretary : Er. Lalchhuana, Sr. EE, PWD

Asst. Secretary : Er. J. Kapkima, EE, PHED

Treasurer : Er. V. Lalhmunmawia, SDO, PWD

Finance Secretary : Er. C. Laldawngliana, SDO, PWD

MESA Sub-Headquarters Lunglei hi kum 1996-a din niin, Lunglei, Lawngtlai leh Siaha District te a huam a. Tun dinhmunah PWD, P&ED, PHED, Mizoram Polytechnic, Minor Irrigation, Urban Development, DRDA, School Education bakah department hrang hrang atangten member an awm mek a ni.