Nimin tlai dar 4:00 khan Mizoram Engineering Service Association (MESA) Sub-Headquarters, Lunglei te chuan SE, PHED Quarters-ah Annual General Body Meeting an nei a. Kum 2017-18 chhunga MESA Sub-Headquarters hruaitu thar thlanna an nei nghal a ni. 

MESA Sub-Headquarters Lunglei Annual General Body Meeting hi President Er. Zodingliana, EE, P&E Department chuan a kaihruai a. Senior Advisor Er. C. Lalchhuana, SE, PWD leh Er. H. Duhkima, SE, PHE Department ten infuihna thuchah an sawi a ni. Secretary Er. Lalchhuana, Sr. EE, PWD leh Treasurer Er. L. Malsawma Hauhnar, Sr. EE, MID atangte in report ngaihthlak a ni bawk. 

Hruaitu thar thlanna hi Returning Officer atana ruat Pu Vanlamuana, DIPRO, Lunglei chuan a kaihruai a. A hnuaia tarlang ang hian kum 2017-18 chhunga MESA Sub-Headquarters, Lunglei hruaitu thar thlan tlin te chu an ni –

President               – Er. Zodingliana, EE, P&ED

Vice-President       – Er. B. Lalhmuakluaia, Principal, MPL

Secretary               – Er. Lalchhuana, Sr. EE, PWD

Asst. Secretary       – Er. Allan Lalthalura, EE, PHED

Treasurer              – Er. L. Malsawma Hauhnar, Sr. EE, MID

Fin. Secretary        – Er. C. Laldawngliana, SDO, PWD 

MESA Sub-Headquarters Lunglei hi kum 1996 khan din niin, Lunglei, Lawngtlai leh Siaha District-a member-te a huam a. Tun dinhmunah Department 9 atangin member 51 an awm mek a ni.