Vawiin khan MFA Cup 2018 Champion lawmna Pu John Rotluangliana, Minister, FCS&CA, Transport, Tourism bialtu MLA chuan a hmanpui.

Bialtu MLA chuan Mamit District in kan la thlen ngai reng reng loh kumin a MFA cup a Champion team te lawmpuina thu a sawi a, tunlaiah chuan football chu eizawnna tlak a ni tawh takzet a, chuvang chuan thalai infiammite chu tih takzet leh theihtawp chhuaha hmalam pan turin a chah a, Mizoram pel tura ngaihtuahna seng tura chahin tih tak takna leh tawrhchhelna erawh a pawimawh ber a ni a ti.

Pu John Rotluangliana chuan Mizoram Sawrkar chuan sport a ngaipawimawh hle a, khelmual changtlung tak tak siam chhoh mek niin hmanraw changkang zawk hmanga thuam chhoh mek zel tum a ni a, chumi hmang tangkaitu ni turin thalai te chu a chah a ni. MFA Cup 2018 Champion lawmna hun LAD Conference Hall, Mamit-a neih hi Pu Lairokhuma, President MDFA chuan a kaihruai a, Champion team te chawimawina hun hman niin hemi atan hian Minister hian Vawk a thawh a ni.

Tarlan tawh angin MFA Cup 2018 ah hian Mizoram chhung District pasarih atangin inelna neih a ni a, hetah hian Mamit District aiawhin Kawrtethawveng FC te chuan Champion dinhmun an hauh ta a ni.

Champion team coaching staffs leh players te :-

Coach : G. Lallawmawma

Asst.Coach : Lalrawntlinga

Manager : Lalengkima

Physio te : Pu C.Lalchhanhima leh Tv.Lalruatsaka

Players te : 1. Vanlalvoha

2. Lalruatmawia

3. Lalrinhlua

4. Rochanhlua

5. Rohlunpuia

6.Hmangaihramropuia

7. Lalnunpuia

8. Lalnunsanga

9. Lalramfawnzauva

10. Lalrammuanpuia

11. H.Lalremruata

12. Henry Zonunthara

13. H.Lalhriatkima

14. Lalruatkima

15. Lalthawmmawia

16. Lalchhandama

17. Zonunmawia Khawlhring

18. Jerry Ngurthansanga

19. Mickey Zothanpuia

20. Stephen Lianzalala te an ni