Mizoram Finance & Acounts Service Association chuan Ni 18.12.2018 (Thawhlehni) khan Tourist Lodge, Chaltlang-ah Annual General Conference Vawi 24-na an hmang.

Chawhma Session hi Association Vice President Pu Vanlalsawma (Director, A&T) in a kaihruai a, member boral sunna te, member inhmelhriattirna leh member thar lawmna te neiin, report hrang hrang ngaihthlak a ni a. Zaithiam Nl Zualbawihi’n Conference hmangtu te zaiin a awi bawk a ni.

He General Conference ah hian MFAS Association President Pu Ramchuana, Addl. Secretary, Finance Department chuan fuihna thu a sawi a, kan file khawih theuhte phenah hian a nghawng mihring an awm zel tih hre reng thin tur leh, miharsa leh sawipuitu nei lote tana ding tlat thin turin member te a chah a ni.

Chawhnu Session ah President Pu Ramchuana kaihhruaiin rorel a ni a, Sawrkar Department hrang hrangah Financial Adviser post siam anih theih nana hmalak te, CSS hnuaia sum hmuhte UC leh Audit Certificate rang zawka pek a nih theih nana sum Audit chungchang chak zawk leh chhawrnaawm zawk a kalpui a tul avangin Accounts & Treasuries Department hnuaia Audit Wing, Director awpna hnuaia awm mek chu Office hranga awmtir a, tihchak anih theih nana hmalak te, Sawrkarin Financial Management tha zawk a neih theih nana Information Technology hman tangkai chhohna tur leh MFAS member ten Integrated Financial Management Information System (IFMIS) an chhawr dan turte rel a ni.

Conference ah hian District Headquarters hrang hranga MFAS officer te an kal tha hle a ni.

Conference ah hian MFAS Officer Pension a chhuak tawh thenkhat te kaihhruaiin kum 2018 - 2019 chhunga hruaitu (Office Bearers) thlanna neih a ni a, heng mite thlan tlin an ni -

1. Pu Ramchuana, Addl. Secretary, Finance
2. Pu Vanlalsawma, Director (LFA), A&T
3. Pu V.Lalzamlova, Jt. Director, A&T
4. Pu V.L Thlanawma, Jt. Director (Accounts), Health Service
5. Pu Laldinpuia, Dy. Secretary, Financne (FMU)
6. Thara Lungtau, Deputy Director, (Accounts) RD