MHIP Headquarters buatsaih Mizo Inneih, Inthen, Rokhawm Theihna Dan 2014 zirhona, Electric YMA Hall-a vawiina neih ah MHIP te chuan Mizo hmeichhia te hamthatna tura Dan pawimawh tak Mizoram Sawrkarin a passed avangin Law Minister Pu Lalsawta hnenah chawimawina an hlan.
Pu Lalsawta chuan thu sawiin Mizo hnam chanchin ah hmeichhia te dinhmun hniam zia hriain, an chanvo dik tak an chan theih nan Mizoram Sawrkar chuan Mizo Inneih, Inthen, Rokhawm Theihna Dan 2014 a pawm tak chu lawmawm a tih thu a sawi a, Sawrkar hmasa pawhin a lo ngaihtuah tawh a, kum tam tak Sawrkar benharh tuma he Dan siam a nih theih nana hma lo latu zawng zawng te chungah lawmthu a sawi bawk. Dan thar chu Mizo chanchina chhinchhiahtlak, Mizo hmeichhia te dinhmun thara hlangkai tu leh an harsatna tam tak chinfelsak tu a ni, a ti.
Mizo Inneih, Inthen, Rokhawm Theihna Dan 2014 leh hmeichhia leh naupang te hamthatna dan te leh MLPC Act, 2014 leh dan pawimawh tak tak te Mizo tawnga Pu T.Lalnunsiama ziah chu Minister chuan a tlangzarh nghal bawk.
MHIP Headquarters buatsaih Dan zirhona hmang hian MHIP Sub Headquarters leh Branch hrang hrang atangin member te an kalkhawm a ni.
