R. Lalremtluanga, Lecturer, Farkawn Higher Secondary School hnen atanga thu dawn dan in mi bo chungchang a hriattirna chhuah a ni.

Lalrinngheta(Lalkulha tia hriat lar zawk) s/o Buankunga, Mual Veng, Farkawn chu ni 7 September, 2012(zing dar 7:00 vel) khan Thekpui khua atanga mau pu tura chhuak chu tun thleng hian a la haw lova. Farkawn, Khankawn, Thekpui, Thekte leh Khuangthing ten ngawrh takin an zawng mek a, tun thleng hian hmuh a la ni lo.

Lalkulha hi thir chher thiam niin Samthang,Phunchawng,Khuangthing,Thekte,Thekpui leh Khankawn-ah te a khawsa thin a,a pianna khua Farkawn-ah hian a khawsa tlem hle. Ni 4 September, 2012(Thawhlehni)tlai khan Khuangthinga kal turin Farkawn a chhuahsan a, Khankawn-ah a riak pheiin ni 6 September, 2012 (Ningani) khan Thekpui-ah a riak leh a. Pu Thangthiauva te Inah a thlengin huanpal tur mau pu tura fehkawng lam pana a chhuak chu tun thleng hian a bo ta a ni.

Lalkulha hi feet 5 leh inches 7 vela sang, hang lam deuh, mit veilam tha lo(pual) a ni a.Mau pu tura a chhuah lai hian American Commando Uniform ang kawr leh kekawr a ha a, Iptepui leh chempui a ak bawk. Amah hi BP sang thin a ni a, ram kal tura a chhuah vel lai pawh hian rilru lam buaina a nei deuh nia hriat a ni.

Tunah hian Farkawn,Khankawn,Thekpui leh Thekte khawtlangin ngawrh takin an zawng mek a, Khuangthing atangin mi engemaw zatin an zawng bawk. A hmu emaw, awmna hria emaw tan 9615434943/8014446738/8575571460 ah hriattir theih reng a ni e.