Vawiin khan NLUP Conference Hall-ah MIFCO Chairman Pu P.C. Zoram Sangliana MLA hovin MIFCO Board of Directors meeting vawi 85-na neih a ni.

Meeting-ah hian sawrkarin Mizoram 7^th Pay Rules a tih chhuah chu MIFCO-a hnathawkte hman turin pawmpui a ni a. Bung Bangla-a ran talhna leh sa sawngbawlna hna kal mek leh tui thianghlim in tur siamna (Packages Drinking Water Project) chu kumin chhunga peih fel hman tura buatsaih a nih thu sawiho a ni a. Kumin July Ni 1 atang hian kuthnathawktute hamthat nan sapthei leina kg khata cheng 14 ni thin chu cheng 15-ah tih san a ni tih tarlan a ni a. Kumin April-August chhung hian MIFCO-in sumdawnna hrang hrang atangin sawrkarah chhiah cheng nuai 88.57 a chhung lut a. Kum 2017-2018 chhung khan MIFCO chuan sapthei chingtute hnen atangin quintal 548.51 a lei sak a,a man pawh pek tlak nghal vek a ni a. NLUP-RKVY scheme hnuaiah chhungkaw 610 laiin sapthei an ching mek a, MIFCO hi an tharchhuah lei ber tu a ni. Kumin hian sapthei quintal 54.54 a lei sak tawh a, Chhingchhip-ah theitui sawrna hmun lei turin ruahmanna siam a ni bawk.