Vawiin khan Mizoram Chief Electoral Officer Pu SB Shashank chuan a pisaah Political party hrang hrang aiawhte ko khawmin Ni 27, September 2018 thlenga electoral roll a chuang zat a tarchhuak.

Pu SB Shashank chuan Mizoram district tinah Roll Revision nasa taka kalpui a ni a, Election Commission of India in a phut angin September ni 27, 2018 hian Mizoram chhunga vote thlak thei awmzat puan tur tir anih angin vawiin thleng hian mi 768181 an awm a ni, a ti a, Electoral roll ennawnna hi Nomination hun tawp thleng kalpui anih dawn avangin voter enroll zat hi ala danglam dawn a CEO website ah ni tin a thar tarchhuah ziah a ni ang, a ti bawk.

He hunah hian Pi Lalzarmawii, Addl CEO, Pu Krishna Mohan Uppu, Addl CEO, Pu Malsawmzuala Asst CEO leh PRISM, MPC, MNF leh ZNP aiawhte an tel a, Election chungchanga hriattur pawimawh sawi hona hun an hmang nghal bawk.

Ni 27, September 2018 thlenga vote thlak thei ennawnna a awmzat chu;

Roll ennawnna hi kalpui mek zel anih angin update mek zel a ni a, Chief Electoral Officer website ceomizoram.nic.in ah hian engtik lai pawhin a en theih reng a ni.