No.3699/2021-2022

Aizawl, the 17th January 2021: Vawiin khan AH & Vety Minister Dr. K. Beichhua kaihhruaiin SEDP hnuaia Veterinary and Sericulture Board member leh Department hotute'n kum kal ta a hmalak tawhna leh 2022-2023 a hmalak chhoh dan tur sawihona SAD, MINECO-ah an nei.

Minister Dr. K. Beichhua chuan SEDP hnuaia Board hrang hrangte kum kal ta ah Covid-19 hripui leng avangin duh angin inhmuhkhawmna hun tam tak an neih theihloh thu sawiin, kum tharah tha thar leh beiseina thar nen hmalakna tur thlir ho a, kum hmasa lama Pilot Project an lokal pui tawh dinhmun te sawiho a tul tih a sawi a. SEDP hnuaia beneficiaries te dinhmun hriatchian leh Aizawl District chhung bik a spot verification neih a nih tur thu a sawi a. Minister chuan fimkhur tak leh theihtawp chhuah turin board member te bakah department a thawktute chu a chahin a ngen bawk a ni.

SEDP kaltlanga Sericulture Department in an hmalak tawhna ngaihthlak a ni a, Kum 2019-2020 a pilot project hrang hrang beneficiary te hnenah First Installment leh Second Installment pek an nih tawh thu ngaihthlak a ni a. Zokhawthar a Animal Quarantine Centre pawh Rs 35.28 lakh a sak zawh a nih thu ngaih thlak a ni a. Hmalakna spot verification Mamit district chhungah tih tawh a ni a, chungah chuan beneficiary ten tha takin hma an la a ni tih tarlan a ni a. Pilot Project kal mek bakah Mamit chhunga khaw 8 atangin beneficiary thar mi 43 chu department in a list chhuah thu sawi a ni bawk a ni. Silk thar chhuah nan Central Silk Board ah Muga leh Eri thar chhuah nan project Rs 80 hu central cabinet te pawm atan a inchhiah mek thu sawi a ni bawk a ni.

AH & Vety Department chuan African Swine Fever avanga Mizoram chhunga harsatna ran vulh tuten an tawh te tarlangin, ranvulhtute hamthatna leh zangna dawmna ngaihtuah turin leh a tul anga hotute hmu turin Board Vice Chairman chuan hma lo la se tih rel a ni a. Heng bakah hian Revised Estimated Cost for Piggery & Poultry Farming Under SEDP 2022-2023 te thlir ho a ni bawk a ni.