No.1860/2021-2022

Hnahthial. 15th August, 2021: Tukin dar 8:30 khan Hnahthial District Bawrhsap Pisa tualzawlah India Independence Day vawi 75-na ropui taka lawm a ni a. Dr. R. Lalthangliana, Health & Family Welfare, Higher & Technical Education, Commerce & Industries, changtu Minister chu khuallian niin hnam puanzar a pawtpharh a. 2nd Batallion MAP ten zahna chibai an buk a chhanglet a ni.

He ni lawmnaah hian khuallian chuan Hnahthial mipuite chu Zalenna ni chibai a buk a, ram zalen leh chhuanawm taka India ram hlangkaitu - zalenna sualtu leh ram tana an nunna hlante chungah zahna leh chawimawina a hlan a ni.

Khuallian chuan COVID-19 hripui lengin Mizoram pawh kum khat leh a chanve dawn a chenchilh ve ta tih sawiin, Hnahthial district pawh kan bang bik lova, hri kai pawh mi 100 chuang kan awm tawhin Pathian khawngaihna azarah vanneihthlak takin nunna chan kan la awm lo a ni, a ti a. Hripui lêng kan hmachhawn mêk chu hun hmasa lam aiin a hlauhawm sawt tawh tih sawiin, second wave rawn thawh lai hian a letin hri kai kan tam a, nunna chan pawh a let sawmin an tam a ni, a ti a. Ninna chante a sun thu leh an chhungte a tawrhpui thi sawiin, hri kai enkawl lai mekte damchhuaikm ngei turin duhsakna a hlan a ni. Hripui leng hian engtikah nge min kian san dawn tih kan hre lova, third wave pawh lo thleng mai tur anga sawi a nih lai hian kan inthlahdah palh ang tih ka hlau takzet a ni, tiin, mitinte mahni hmun theuhah fimkhur tlang tur leh COVID Appropriate Behaviour zawm tha turin a chah a ni.

Vaccine lak kawngah Hnahthial district an che tha chu lawmawm a tih thu sawiin, 91% laiin vaccine kan la tawh hi a ropui a ni, a ti a. Khuallian chuan nunphung pangngaia thlamuang taka kan nunho theih nan vaccine kan lak vek hi a pawimawh hle a ni a ti a, vaccine la la lo zawng zawngte la vek turin a chah a ni.

Hripui leng dona kawngah ral hmatawnga tang, tha thlah lova theihtawp chhuahtute chungah lawmthu sawiin, sawrkar hnathawkte, khaw hrang hrang leh veng hrang hranga Task Force te, tlawmngai pawl zawng zawngte leh kohhranhote, volunteers zawng zawngte bakah mipuite, kan zavai mai hian kan tanrualna hi a ropuiin a chhuanawm takzet a ni, a ti.

Khuallian chuan hripui leng karah thil ropui tak a lo lang tih sawiin, zo nun zemawi a rawn par thar leh a, Zoram hmun hrang hranga mite kan inngaihsaktawnna leh kan induhsak tawnna ka hmuh hian a lawmawm ka ti takzet a, Tlawmngaihna rawn par vul thar leh hi i chhawm nung zel ang u, a ti a. Hripui leng dona atana Chief Minister’s Relief Fund leh hmun hrang hranga sum leh pai thawhtute, tha leh zung senga thilpek chi hrang hrang ram chhung leh ram pawn atanga hlantute chungah lawmthu a sawi a ni.

Hnahthial District tihhmasawnna tura hnathawh leh hmalakna kallai mek chi hrang hrang tarlangin Health & Family Welfare department leh World bank thawhhona thutlung Mizoram Health Systems Strengthening Project’ US dollar maktaduai 40 hu kaltlangin Mizorama kan damdawiin zawng zawng, thingtlanga mite tel vekin kan ti chak dawn a, Hnahthial district pawhin kan chhawr tangkai ngei ka beisei a ni, a ti.

Minister chuan District nikum December ni 1 khan tuna DC Office, Rallang Tlang, Electric veng, Hnahthial hi luah tan a nih thu sawiin , Lunglei pan buai ngai tawh lovin DC office atangin Inner Line Permit(ILP) kan pe chhuak thei ta a, Hnahthial district mipuiten an mamawh certificate hrang hrangte pawh kan pe chhuak thei tawh a ni, a ti a. Natural Disasters vanga chhiattawkte chhungkua 141 chuang cheng nuai 15.75 a tanpui an nih thu a sawi bawk.

Hnahthial District Police thahnemngaihna leh hmalakna bakah mipuiten dan an zawm that vangin kum 2020-2021 chhungin Law & Order problem report a awmlo tih sawiin, Hnahthial District police ten July thla tawp thleng khan Methamphetamine 8.208 kgs leh Heroin No.4 - 424.723 gms, Rs. nuai 182.76 lakhs hu an man thu a sawi a ni. Thingsai khua chu Free Movement Regime (FMR) atan puan a nih thu khuallian chuan sawiin, Thingsai VC ten Muallet peng ram Police Check Post atan an pek vangin lawmthu a sawi a, a nihna ang taka hmang turin chak taka hmalak mek a ni, a ti a. Rallang Tlangah Hnahthial SP office sa turin ruahmanna siam a nih thu a sawi a ni.

Health &Wellness Centre 3- Hnahthial ‘N’, Thiltlang leh Leite ah te hawn thar a nih thu awiin khuallian chuan Hnahthial ICDS project hnuaia khaw 25-a Anganwadi Centre 115 awm mekah hmalak chhoh zel a ni a, CDPO Office (ITTA Building) leh Staff Quarter pakhat ve ve sak niin luah fel tawh a ni, a ti a. Environment, Forest & Climate Change Department–in Hnahthial district chhunga ramngaw kan neih thatte humhalh kawngah nasa takin hma an la a, CAMPA plantation 2021 hnuaiah Hectare 10 lai a zau nursery siamin, heng bakah hian thing tiak 19,000 siam mek a ni, a ti.

PMGSY scheme hnuaiah Khawhri-Chawngtui Road km 17.81 a thui, Thingsai-Bualpui(H) Road km 5.20, Cherhlun-Ngharchhip Road km 7.64 leh Pangzawl-Lungmawi Road km 7.10 te siam a nih thu leh NABARD sum hmangin Hnahthial- Haulawng Road Phase II (12.00-34.00) Km te siam a ni bawk, a ti. NLCPR kaltlangin Hnahthial-Haulawng Road Phase I chu March 2021 khan thawh zawh a ni, a ti a. NEDP hmangin Thingsai - R.Tiau Road km 15.4 chu siam leh mek a nih thu a sawi bawk.

Hnahthial District chhunga mipuite tuithianghlim pekchhuah an nih theihna tura hmalakna kal mekah JJM funding kaltlangin 2020-2021 chhung khan khua 14-ah hna zawh tawh a nih thu leh khua 2 (pahnih) ah hna thawh mek a ni thu a sawi bawk.

District Agriculture Office, Hnahthial-in PMKSY hnuaiah beneficiary 36 te tui dahkhawlna a siam sak bakah NABARD (IRDF) hnuaiah Pangzawl, Saphak-ah Land Development hectare 10 a zau thawh mek a nih thu a sawi a. District Horticulture Office, Hnahthial-in Mission for Development of Horticulture hnuaia thei leh thlai chin lama an hmalakna ah Dragon Fruit, Zo-chilli, papaya, banana, M. Orange, tomato, zikhlum leh Assam lemon ching tura Beneficiary thlan chhuahte kawng chi hrang hranga a tanpui thu sawiin, thlai/thei chin bakah Food processing lamah Pickle siam leh Ser tui sawra bul beneficiary ten an tan theih nan Rs. Nuai 1 in tanpui an nih thu a sawi a, thlai leh thei chingtute beneficiary 10 water tank (tuikhuah) siam sak an nih thu a sawi bawk.

School of Agricultural Science (SAS), Hnahthial, Integrated Training Centre (ITC), 2 (two) year certificate course chu Diploma Course ah upgrade a nih thu sawiin tihchangtlun belh mek a ni, a ti a. KRISHI VIGYAN KENDRA (KVK), Hnahthial kaltlanga kuthnathawktute training pek thin a nih thu leh hmalakna chi hrang hrang a tarlang bawk a ni.

AH&Vety Department ,Hnahthial hmalakna tarlangin vawk chi tha Yorkshire leh bawng chi tha- Holstein Friesien leh Jersey te hmangin vawk leh bawngte hlawhtling taka kah rai (Artificial Insemination) an nih thu a sawi a, kel lian tha chi Bengal leh Assam atanga lachhuakin beneficiary te pek an nih thu a sawi bawk. Heng bakah hian SEDP kaltlangin vawk thlahpunna tur leh talhtur chi engmawzat beneficiary te pekchhuah an nih thu sai langin, chhungkua engmawzat hnenah Ar - layer leh broiler te pek an nih thu a sawi bawk a ni.

Rallang Tlangah District Sericulture office tur chu ruahmanna a kal mek thu sawiin, Hnahthial district chuan Maimaw pangang chi (seed) siamna hmun tha tak a nei a, Hnahthial District chauh ni lovin Lunglei District pawh a chawm mek a ni, a ti. Hnahthial district-ah kum 2020-2021 chhung khan Covid-19 pandemic karah Mulberry Cocoon 1200 kgs tharin Rs.3.6 lakhs man vela chhut a ni, a ti a. Kum 2020-2021 chhung hian Private farmers te vulh tur pangang chi 34,000 Dfls siam chhuah a nih thu a sawi bawk a ni.
Land Resources, Soil & Water Conservation Department chuan kum kalta chhung khan rubber roller machine leh hmanraw chikim beneficiary 4 (pali) hnenah subsidised rate in a pek bakah Polipipe roll te an pe chhuak bawk tih sawiin khuallian chuan Supply department-in Covid-19 hripui leng karah ration buhfai khaihlak lovin a pe chhuak hi a ropui tal zet a, fur laia ration buhfai khaihlak tur laka inven nan South Vanlaiphai ah monsoon stock dah a ni, a ti.

Urban Development & Poverty Alleviation Department, Hnahthial kaltlanga hmalakna chi hrang hrangte tarlangin, faina leh thianghlimna kawnga an hmalakan fakawm a tih thu a sawi a, Sa-Ang ramah Rs nuai 60 senga Solid Waste Management Centre siam hna thawh mek a nih thu a sawi bawk a ni. Central Scheme “Housing For All (Urban)” hnuaiah beneficiaries 759 zingah 688 hnenah 1st Installment Rs. 60,000/ theuh pek tawh a nih thu leh, a pumpui ah Rs. 41,280,000/- pekchhuah tawh thu sawiin, Housing For All hnuaiah Credited Linked Subsidy Scheme (CLSS) Loan mi engemawzat pek tawh a nih thu a sawi a, District Urban Development Office sakna tur pawmfel tawh ni in , reilote ah hna tan theih beisei a ni,a ti.

Hnahthial District a DRDA Office chu April ni 1, 2021 atanga bul tan a nih thu leh Project Director kaihhruaina hnuaiah RD scheme pawimawh tak mai MGNREGS kalpui mekin Job card nei te hnenah inhlawhna ni 59 pek tawh a nih thu a sawi a, Block Development Officer, Hnahthial RD Block kaltlangin Pradhan Mantri Awaas Yojana (Gramin) PMAY(G) hnuaiah chenna tur in neilo chhungkaw 38 te hnenah Rs. Nuai 1.3 theuh ruahman sakin sem mek a ni,a ti a. Mizoram State Rural Livelihoods Mission (MzSRLM) kaltlangin Self-Help Group (SHG) 290 din a nih thu sawiin, SHG 204 te hnenah Revolving Fund pekchhuah an ni, a ti a. Village Organisation (VO) 26 dinfel tawh a ni a, 19 te hnehah Start up Cost pechhuak in VO 7 te hnenah Vulnerable Reduction Fund pekchhuah an ni a. SHG te eizawnna bultan nan Community Investment Fund (CIF) pekchhuah tawh a ni, a ti.

District Research office, Economics & Statistics Department, Hnahthial hawn thar niin, Live Births 76 leh Death 42 register a ni tawh a. Hemi bakah Delayed registration 7 issue leh Certificate re-issue ngai hrang hrang ah hma la in rainfall data te collect a ni, a ti.

Covid-19 hripui leng vangin School te khar rih nimahse zirna lama hmasawnna a awm theih nan nasa taka tan lak a ni, a ti a. NABARD hnuaiah School Building 5 (panga) sak that hna kalpui mek a nih thu sawiin, Hnahthial District chhunga sorkar enkawl Middle School zawng zawngah Hindi teacher dah thar vek a ni, a ti a, Govt. High School 3 (pathum) ah Vocational Education zirna hawn thar a ni bawk a, Samagra Shiksha, Hnahthial District hnuaiah Govt. Higher Secondary School, Hnahthial Science Stream bakah Commerce Stream hawn belh a ni a, Government Elementary School naupangte tan Zirlaibu(textbook) a thlawn a semchhuah bakah School Uniform grant, School Composite grant, Library Grant bakah Naupang rualbanlo te enkawlna leh chhawmdawlna hrang hrang kalpui mek a ni,a ti a. Covid-19 hripui karah Mid Day Meal sem zel a nih thu a sawi bawk.

Government Hnahthial College –in hma sawn zel tih sawiin zirlai enrolment-te pawh academic kum hmasa aiin 40 (sawmli) lai in a pung a, College tihchangtlun nana hma lak chi hrang hrang zingah State Flagship Programme SEDP kaltlangin College cafeteria (Building) sak a ni a, RUSA ( Rashtriya Uchchatar Shiksha Abhiyan) kaltlangin Academic building, Library-cum-Recreation Hall leh Renovation & Extension of Administrative Building lamahte hma lak niin, College Archives pawh din a ni, a ti.

Independence Day Celebration Committee Hnahthial District chuan Independence Day pual hian Jehova Jire Home ah leh District Hospital Hnahthialah Rs.2000 ve ve an pe a, infiamna lama Hnahthial District ti hmingthatu mi 4 -Jeje Lalpekhlua (Footballer ), Isaac Vanmalsawma (Footballer), Lalrindiki (Hockey player) leh Boxer F.Zoramchhana te hnenah chawimawina thuziak an hlan a ni. South Tuipui bialtu MLA leh Health Minister ni bawk Dr.R.Lalthangliana hian tun dinhmunah Hnahthial a, Covid-19 hri kai hmuhchhuah tamna Kanaan veng Hnahthial Hri kaite inenkawlna tul leh mamawh atan VLTF ah Rs.30000 (Cheng sing thum) a pe bawk a ni