Vawiin khan Health & Family Welfare Department Minister Dr.R.Lalthangliana'n Kolkata-a Mizoram Sawrkar in damlote a refer na Hospital hrang hrang; Apollo Hospital, AMRI Hospital, Birla Hospital, MEDICA Hospital te tlawhin, an hotu lian tak takte a hmu.

 Mizoram atanga damlo sawrkarin a refer tam tak Hospital thenkhata an tawh chungchangte a sawi pui a. Mizo damlo tam tak, mi harsa zawkte khawngaihna leh hmangaihna nena an lo enkawl a tul zia te a sawipui bawk a. Hun rei tak Mizoram Sawrkar nen an in hmelhriat tawh avangin Nurse, Laboratory Technitian leh Doctor te Short Term Training Course a thlawna lo pe tura a ngenna chu hospital lian zualte chuan rem an tih thu Minister hi an lo hrilh a ni. Hospital thenkhat Doctor te chuan Free Medical Camp, Aizawl-ah ruahmanna an rawn siamtur leh Hospital a thawk tur Mizo Nurse leh Doctor te chu duhsak an ni ang, tiin Minister hnenah hian an sawi bawk a ni.