Vawiin chawhnu dar 1:30PM khan Legal Metrology Office, Siaha chuan an officer  Pu R.Lalnghakliana, Asst.Controller leh  Pu LD.Beihrua, Inspector te kaihhruaina hnuaiah   Siaha District-a Filling station awm chhun J.Rama filling Station,College Vaih, a mi chu an endik thut a.  An Petrol leh Diesel sem lai chu a quality a that tawk leh tawk loh te, pump in a pek chhuahzat chu ateh dik/tling  thlap a nih leh nih lo te endik thut a ni.

Under Ground Tanky a oil te pawh uluk taka Challan Density base a endik anih bakah pump in oil a pek chhuah chu ateh a tling em tih te uluk tak  tehchhawna   endik a ni. Tun dinhmunah chuan Pu J.Rama filling station a oil te chu  a quality leh  quantity-ah dan phalchin chhungah vek awmin, a tha tawk hle rih tih finfiah a ni.

 Vawiin Filling station endik lai a Tank lorry lo thleng thar pawh a Petrol phurh lo endik nghal a ni bawk .

Pump hi a khat tawkin surprise checking neih thin a ni a,neih lehzel pawh tum a ni.Oil Tanker lo thleng reng reng hi Legal Metrology Inspector in a enfiah a,a tha e; a tih hnu-ah chauh unload thin a ni.

Vawiin surprise checking-ah  Legal Metrology official te chu Pu N.Vabeiratlua, DIPRO in a tawiawm hlawm a ni.